اسلام آباد 11 جولائي (اے پي پي)د خزانې او محصولات وفاقي وزير سېنېټر محمد اورنګزېب وئېلي دي د هېواد مهمې معاشي اشاريې د بهترۍ عكاسي كوي٬د پرمختيائي بجټ لپاره پبلك پرائيوېټ پارټنرشپ ته وده وركولې كېږي٬نوو ملازمانو ته به رضاكارانه پنشن سكيم وركولې شي٬ د آِئي اېم اېف سره د سټاف په كچه لوظ نامه روانه مياشت كښې د كېدو امكان دے۔ده دا خبره د زيارت په ورځ د خزانې او محصولات لپاره د قامي اسمبلۍ قائمه كمېټۍ ته د بريفنګ وركولو په مهال وكړه ۔د غونډې مشري د كمېټۍ چيئرمېن سيد نويد قمر كوله۔د خزانې وزير مملكت علي پروېز ملك٬د خزانې سېكرټري٬د كمېټۍ غړو او د اړوندو ادارو سينئر چارواكي هم په غونډه كښې موجود وو۔د خزانې وزير كمېټۍ ته ووئيل د تېر مالي كال په مهال ټولې معاشي اشاريې مثبتې پاتې شوي٬سټېټ بانك سره د زرمبادله پانګې د 9 اربه ډالره څخه زياتې شوې ٬د ګرانۍ په شرح كښې ډېر كمے راغلے ٬تېر كال د ګرانۍ شرح 38 فيصد وه كومه چې اوس په كمېدو سره 12 فيصد ته نزدې شوې۔ده ووئيل په كال 2023 كښې د نړيوال مالياتي فنډ سره په پروګرام كښې د ځنډ له امله كرنسي غېر مستحكمه شوې خو اوس معاشي حالات ښه كېږي او د غېر ملكي كمپنو ګټه او ډيوډنډز ادا كوي۔د خزانې وزير ووئيل د نړيوالې ادارې د پاكستان په معيشت د باور څرګندونه كوي٬د آئي اېم اېف پروګرام له امله پاكستان ته د نورو ادارو لخوا هم فنډ ترلاسه كېدل پېل شوي۔ده ووئيل د هېواد چلولو لپاره ټيكس ضرورې دے٬په پاكستان كښې د جي ډي پي تناسب څخه د ټيكسونو شرح كمه ده چې پكښې اضافه ضروري ده٬دا مهال د جي ډي پي تناسب څخه د ټيكسونو شرح 9 فيصد ته نزدې ده٬ ده ووئېل راتلونكو كلونو كښې د جي ډي پي تناسب څخه به د ټيكسونو شرح كښې زياتوالے كولې شي او دا به د 13 نه تر 14 فيصد كچې ته رسولې شي۔د خزانې وزير ووئيل د زرعي انكم ټيكس په اړه د صوبو كردار مركزي دے۔د سيد نويد قمر په پوښتنه د خزانې وزير ووئيل آئي اېم اېف په اصل آمدن ټيكس غواړي كوم چې درست دے٬مونږ د اصل په آمدن ټيكس ترلاسه كولو هڅه كوو٬د حكومت په خرڅونو كښې قرض او د سود ادائيګۍ تناسب ډېر زيات دے ٬پرمختيائي بجټ لپاره پبلك پرائيوېټ پارټنرشپ ته وده وركوو۔ده ووئيل په پنشن هر كال يو زر اربه روپو څخه زيات مصرف كېږي٬د پنشن په نظام كښې اصلاحات شوي٬نوو ملازمينو ته به رضاكارانه پنشن سكيم وركولې شي۔ده ووئيل نوي پنشن سكيم لپاره وسله والو ځواكونو ته يو كال وخت وركړے شوے ځكه چې د عسكري ادارو سروس سټركچر مختلف دے٬ دغسې د حكومتي خرڅونو كښې كمي لپاره وزارتونه ختم يا د انضمام پالېسۍ خپله كړې شوې ٬پي ډبليو ډي د زيان له امله د ختمولو پريكړه شوې۔د خزانې وزير كمېټۍ ته ووئيل د آئي اېم اېف سره خبرې په مثبت ډول مخ په وړاندې روانې دي٬ د آِئي اېم اېف سره د سټاف په كچه لوظ نامه روانه مياشت كښې د كېدو امكان دے۔د خزانې وزير ووئيل برآمدي څانګې ته د آسانيو رسنه د حكومت په ترجيحات كښې شامل ده٬برآمد كوونكو ته د ټيكس ريفنډز سمدستي وركولو حكم وركړے شوے او تراوسه 260 اربه روپۍ ټيكس ريفنډز كړے شوي ۔د خزانې سېكرټري امداد الله بوسال كمېټۍ ته بريفنګ كښې ووئيل نړيوال بانك٬آئي اېل او او آئي اېم اېف په پاكستان كښې د بې روزګارۍ په اړه خپلې اندازې وركړي۔د كمېټۍ چيئرمېن ووئيل پالېسي ريټ كښې د اضافې له امله حكومت ته هم مشكلات مخې ته دي او صنعت كار هم د كمي وائي په كوم چې د خزانې وزير وئيل روان مالي كال پالېسي ريټ كښې د ډېر كمي امكان دے۔د خزانې سېكرټري ووئيل روان مالي كال كښې 1777 اربه روپۍ ګرانټس دي چې پكښې بېنظيرانكم سپورټ پروګرام لپاره 590 اربه روپۍ مختص دي۔
د هېواد مهمې معاشي اشاريې د بهترۍ عكاسي كوي٬د آِئي اېم اېف سره د سټاف په كچه لوظ نامه روانه مياشت كښې د كېدو امكان دے۔د خزانې وفاقي وزير سېنېټر محمد اورنګزېب د خزانې قائمه كمېټۍ ته بريفنګ
مضمون کا ماخذ : لوٹومینیا اکومولڈا
متعلقہ مضامین
