اسلام آباد 19 جولائي (اے پي پي) صدر مملکت ډاکټر عارف علوي وئيلي دي چې د قام په حېث زمونږ طاقت خپلو كښې اتفاق او يو والي سره تړلې دې ، مونږ ټول په ګډه په هر ډول چېلنج قابو موندلې شوو او د خپل راتلونكې نسل لپاره يو ځلنده سباٶن جوړولې شوو٬ مونږ له به په پاكستان كښې ټولو وګړو ته د هېواد په پرمختګ كښې برخه اخستلو له موقعې وركول وي ٬ د نوي هجري كال 1445ھ په موقع د قام په نامه خپل پېغام كښې صدر مملکت ووئيل د محرم په وړومبۍ ورځ د اسلامي هجري كلېنډر كال 1445 پېل شوې دې٬ زه د لوي څښتن په بارګاه كښې لاس په دعا يم چې دا هجري كال د پاکستان، اولس او اسلامي نړۍ سره سره ټولې نړۍ لپاره د رحمت او بركت سبب جوړ شي٬ د اسلامي نوې كال پېل د ګردې نړۍ مسلمانانو لپاره ډېر اهميت لري٬ نوې كال د اسلام په خاطر د شويو قربانو يادول د خپل ايمان او عزم د قوي كولو ذريعه ده٬ د دې نوي كال په پېل مونږ د دې عزم څرګندونه كوٶ چې د پاك پېغمبر ۖ ژوند او تعليماتو څخه به زده كړه كوٶ او د ھغوي په ښودلې شوې لاره به خپل ژوند تېروٶ٬ خپله ټولنه كښې به د خواخوږۍ٬ انصاف٬ اتحاد او روادارۍ اصول په ځائ ساتلو لپاره هڅې كوٶ٬ دا دود دستور زمونږ د اسلامي ورثې محور دي او د خوشحالۍ ودې لپاره ضروري دے ۔ صدر مملكت ووئيل چې محرم ھغه مياشت هم ده كومه چې مونږ ته د خوږ پېغمبرۖ د نمسي سيدنا امام حسېن رضي الله عنه او د ھغوي د عظيم ملګرو د كربلا په جنګ كښې شهادت او قربانۍ يادي٬ د كربلا جنګ په اسلامي تاريخ كښې يوه اهمه پېښه ده كومه چې د ظلم په مقابله كښې د بشپړه مړانې ، قربانۍ او ثابت قدمۍ مثال دے٬ د کربلا پېښې د ګردې نړۍ د لكهونو په شمېر مسلمانانو ته د قربانۍ او د غېر متزلزل ايماني اقدار خپلولو ترغيب وركوي۔ صدر مملكت دعا وكړه چې دا نوې هجري كال دې مونږ د امن او سوكالۍ او غوره سباؤن پلو بوځي۔ پاك پروردګار دے په پاكستان او اولس خپل رحمتونه نازل كړي او مونږ ټولو له دې په ګډه پرمختګ، خوشحالۍ ٬ امن او سلامتيا لپاره د كار كولو توفيق راكړي
د قام په حېث زمونږ طاقت اتفاق او يو موټې كېدو سره تړلې دې ، مونږ په ګډه په هر ډول چېلنج قابو موندلې شوو۔ د صدر ډاكټر عارف علوي د هجري كال په پېل پېغام
مضمون کا ماخذ : میگا ملینز کے نمبر
متعلقہ مضامین
