پیښور 25 مئي (اے پي پي)د اطلاعات او خپرونو وفاقي وزيرې مريم اورنګزېب وئيلي دي شرخوښو او وسله لرونكو ډلو د رېډيو پاكستان پېښور په ودانۍ په بشپړه منصوبه بندۍ سره بريد كړے٬زمونږ قيمتي آركائيو يې سوځولې چې ازاله يې ممكن نه ده٬شرخوښو او وسله لرونكو ډلو سره به هېڅ ډول رعايت ونه كړے شي۔د دې خيالاتو څرګندونه دې د زيارت په ورځ د وزيراعظم شهباز شريف د پیښور رېډيو پاكستان دورې په موقع دستورې ته د وينا كولو په مهال كړې۔په دې موقع د خېبرپښتونخوا ګورنر٬وفاقي او صوبائي وزيران٬د مسلم ليګ(ن)د اطلاعات سېكرټري٬ضلعي انتظاميي افسران٬ د راډيو پاكستان ډائرېكټر جنرل او نور هم موجود وو۔د اطلاعات او خپرونو وفاقي وزيرې مريم اورنګزېب ووئېل په كال 2014 كښې چې څنګه دې خلقو په پي ټي وي بريد كړے ؤ٬هم دغسې په بشپړه منصوبه بندۍ سره ئې د مئي په 9مه نېټه د پېښور په رېډيو پاكستان ودانۍ بريد كړے٬ د مئي په 9مه نېټه ګارډز او عملې د شرخوښو د مخ نيوي پوره هڅه كړې خو د مئي په 10مه نېټه دې شرخوښو او وسله لرونكو په بشپړه منصوبه بندۍ سره بيا په رېډيو پاكستان بپیښور ريد وكړو٬هغوي سره كوتكې او پیټرول وو٬ دې ووئېل ضلعې انتظاميې او د رېډيو پاكستان عملې د ودانۍ بچ كولو لپاره هم هڅې كړی٬په دې مهال د عملې ګڼ شمېر كسان سخت ژوبل شوي هم دي او د پیښې اېف آئي آر هم په دې ورځ درج كړے شوے۔د اطلاعات او خپرونو وفاقي وزيرې ووئيل دا وداني به بيا جوړه شي او ټرانسميټرز به هم ولګي خو زمونږ تاريخي آركائيو يې سوځولې د كومې چې ازاله ممكن نه ده۔دې ووئيل په پي ټي وي د بريد نه پس مونږ آركائيو ډيجيټل كړې٬هم دغه پراسيس په راډيو پاكستان كښې هم روان ؤ ۔دې ووئيل دا ډول تورونو او وسله لرونكو ډلو سره به هېڅ ډول رعايت ونه كړے شي۔د دې څخه وړاندې د رېډيو پاكستان ډائرېكټر جنرل طاهر حسن د پیښور رېډيو پاكستان ودانۍ٬رېكارډ او خپرونو ته رسېدونكي زيان او بحالۍ كارونو په اړه بريفنګ وركړو۔ده ووئيل په برصغير كښې د راډيو سفر په كال 1927 كښې پېل شوے ؤ ٬ په كال 1935 كښې د رېډيو پاكستان وړومبے ټرانسميټر لكولے شوے٬ په كال 1947 كښې هم دې راډيو د پاكستان د وجود اعلان كړے۔ ده ووئېل رېډيو پاكستان پیښور د ترهه ګرۍ په ضد جنګ پشمول افغان جنګ كښې هم خپل خذمات ترسره كړي٬راډيو پاكستان دا مهال 23 ځايې او 11 نړيوالو ژبو كښې خپل نشريات وړاندې كوي۔ده ووئيل رېډيو پاكستان ضلعيې انتظاميې٬پاك پوځ سره په ګډه په 26 ساعته كښې خپل نشريات بحال كړي۔ده ووئيل د پاكستان اولس او حكومت په هره كچه چې كوم ډول د رېډيو پاكستان ملګرتيا كړې٬تل به ياد ساتلې شي
وسله لرونكو ډلو د رېډيو پاكستان په ودانۍ په بشپړه منصوبه بندۍ سره بريد كړے٬زمونږ قيمتي آركائيو يې سوځولې د كومې ازاله چې ممكن نه ده٬شرخوښو سره به هېڅ ډول رعايت ونه كړے شي ۔د اطلاعات او خپرونو وفاقي وزيرې مريم اورنګزېب دستورې ته وينا
مضمون کا ماخذ : کمپیوٹر لاٹری کا جیک پاٹ
متعلقہ مضامین
