اسلام آباد 11 مارچ (اے پی پی) د اطلاعات او خپرونو وفاقي وزير سېنېټر شبلي فراز وئيلي دي (نن)د جمعې په ورځ به حكومت د سېنېټ چيئرمېن او ډپټي چيئرمېن ټاكنې د خپلو اتحاديانو او آزادو غړو په ملاتړ ګټي٬پي ډي اېم په وړومبي پړاؤ كښې چې څنګه ناكامۍ او مايوسۍ سره مخ شوے ؤ هم داسې به بېا د صفر نه پېل كېدونكے تحريك هم ناكامۍ سره مخ كېږي٬كه د پي ډي اېم لانګ مارچ د قانون په دائره كښې وي نو مخه بي يې نه نيولے كېږي۔د مريم نواز د بيان څخه ثابته شوې چې دوي نن د جمعې په ورځ د سېنېټ چيئرمېن او ډپټي چيئرمېن ټاكنې بائيللې دي٬وزيراعظم عمران خان د كور كمېټۍ په غونډه كښې د ګوند بېا فعاله كولو او منظم كولو هدايت كړے ٬د حكومت كاركردګي به په ښه ډول رامخې ته كولې شي۔ده دا خبرې د زيارت په ورځ د وزيراعظم عمران خان په مشرۍ كښې د كور كمېټۍ د غونډې نه پس مېډيا سره په خپلو خبرو كښې وكړې۔ده ووئيل د وزيراعظم عمران خان په مشرۍ كښې د پي ټي آئي د كور كمېټۍ غونډه كښې په بېلا بېلو چارو او تجويزونو غور وكړے شو۔ده ووئيل وزيراعظم عمران خان د ګوند مشرانو ته هدايت كړے چې ګوند په لاندينۍ كچه فعاله او منظم كولو لپاره په سمدستي توګه اقدامات وكړي او د ګوند كاركنانو سره په ورځني بنياد ملاقاتونه وكړي۔په دې لړ كښې د ګوند مشرانو ته بېلا بېلې ذمه وارۍ ورپغاړه كړې شوي۔د يوې پوښتنې په ځواب كښې د اطلاعات او خپرونو وفاقي وزير شبلي فراز ووئيل مونږ د نن اليكشن لپاره بيخې تيار يو٬د اتحادي ګوندونو او آزادو غړو په مرسته به د سېنېټ چيئرمېن او ډپټي چيئرمېن ټاكنې ګټو۔ده ووئيل په دې وخت كښې د سېنېټ 99 غړي دي چې پكښې 47 غړي د پاكستان تحريك انصاف او د اتحادي ګوندونو دي بل خوا د اپوزېشن 52 غړي دي٬د دې نه علاوه د 8 نه تر 9 د سېنېټ آزاد غړي هم شته كوم چې اپوزېشن په خپله كهاته كښې شمېرې خو داسې نه ده د پي ټي آئي نومولے شوي چيئرمېن او ډپټي چيئرمېن اپوزېشن نه د ووټ غوښتلو لپاره نوې جمهوري روايت جوړ كړے۔ده ووئيل د پي ډي اېم د لانګ مارچ استعفٰی ګانو او دهرنو په اړه به د حكومت حكمت عملي هم هغه پخوانۍ وي د كومې بنيادي مقصد چې اپوزېشن بې نقابه كول دي۔ده ووئيل د پاكستان اولس د كرپشن ملاتړ نه كوي بلكې د كرپشن په ضد اودرېږي ۔د دې ثبوت د عمران خان كامياب تحريك دے۔ده ووئيل د چيئرمېن او ډپټي چيئرمېن په ټاكنو كښې مريم نواز په زهني توګه ماتې منلې ده۔
حكومت به د سېنېټ چيئرمېن او ډپټي چيئرمېن ټاكنې د خپلو اتحاديانو او آزادو غړو په ملاتړ ګټي۔د اطلاعات او خپرونو وفاقي وزير سېنېټر شبلي فراز د ګوند د كور كمېټۍ غونډې نه پس مېډيا ته بريفنګ
مضمون کا ماخذ : پاور بال کے نتائج
متعلقہ مضامین
